Հայաստանի ազգային պատկերասրահ

 Հայաստանի ազգային պատկերասրահի հարուստ հավաքածուի ձևավորման գործում կարևոր դեր ունեն տարբեր ժամանակներում արված մեծ և փոքր նվիրատվությունները: 2024 թ. պատկերասրահի ֆոնդերը նույնպես համալրվել են նոր և արժեքավոր նվիրատվություններով, որոնցից առանձնահատուկ ուշադրության է արժանի 20-րդ դարի ֆրանսահայ անվանի նկարիչ Զարեհ Մութաֆյանի (1907–1980) աշխատանքների փոխանցումը թանգարանին ՀՀ նախագահ Վահագն Խաչատուրյանի բարձր հովանու ներքո:

«Նվիրատուներ և նվիրատվություններ. Զարեհ Մութաֆյան» ցուցահանդեսը ներկայացնում է արվեստագետի մոնոգրաֆիկ հավաքածուի մի մասը: Ցուցադրված են ինչպես նկարչի որդու` Կլոդ Մութաֆյանի վերջին նվիրատվությունը, այնպես էլ Զարեհ Մութաֆյանի լավագույն ստեղծագործությունները պատկերասրահի հավաքածուից: