Միջոցառումներ / Ցուցահանդեսներ

15.11.2023 - 30.12.2025

Վերաբացվել է Գևորգ Գրիգորյանի (Ջոտտո) արվեստանոց-թանգարանը

Այս տարի հիմնանորոգված թանգարանում նոր ու արդիականացված մշտական ցուցադրությունը համապարփակ կերպով ներկայացնում է վրացահայ նկարիչ Գևորգ Գրիգորյանի (Ջոտտո) հարուստ ժառանգությունը:

20.10.2023 - 01.11.2023

Զարթոնքի վկաներ. Լուսանկարիչ Աբդուլլահյան եղբայրներ

«Զարթոնքի վկաները» Աբդուլլահյան եղբայրների ստեղծագործությունների Հայաստանում առաջին հետահայաց ցուցադրությունն է, որն ուրվագծում է արվեստանոցի գործունեությունը 1860-ականների սկզբից մինչև դրա փակումը 1899-ին:

11.10.2023 - 15.03.2024

Հակոբ Հակոբյան․ Հոգու հայելի

Հակոբ Հակոբյանի 100-ամյակին նվիրված հոբելյանական ցուցահանդեսը ներկայացնում է անվանի արվեստագետի շուրջ 100 գեղանկարչական և գրաֆիկական գործեր, քանդակներ Հայաստանի ազգային պատկերասրահի, Ժամանակակից արվեստի թանգարանի, ընտանիքի և մասնավոր հավաքածուներից:

28.09.2023 - 30.12.2023

Մեր Սարերը

Հայաստանի ազգային պատկերասրահը ՀՀ ԿԳՄՍ նախարարության աջակցությամբ ներկայացնում է «Մեր սարերը» լայնածավալ նախագիծը։

21.07.2023 - 31.07.2023

Նվիրատուներ և Նվիրատվություններ. Սուրեն Սաֆարյան

Հայաստանի ազգային պատկերասրահում տեղի ունեցավ Հայաստանի ժողովրդական նկարիչ Սուրեն Սաֆարյանի (1923-1988) 100-ամյակի առթիվ «ՀայՓոստի» թողարկած փոստային բացիկի մարման հանդիսավոր արարողությունը, որին հաջորդեց «Նվիրատուներ և նվիրատվություններ. Սուրեն Սաֆարյան» ցուցահանդեսի բացումը:

22.06.2023 - 01.06.2024

Այվազովսկի․ Մշտական ցուցադրության վերաբացում

Հայաստանի ազգային պատկերասրահում վերաբացվում են ՀՈՎՀԱՆՆԵՍ ԱՅՎԱԶՈՎՍԿՈՒ ցուցասրահները:

10.06.2023 - 15.03.2024

Ֆրանսիական Ինտերիեր. նրբաճաշակության դարաշրջան

«Ֆրանսիական Ինտերիեր. նրբաճաշակության դարաշրջան» ցուցահանդեսը ներկայացնում է 18–19-րդ դարերի ֆրանսիական դեկորատիվ-կիրառական արվեստը:

01.06.2023 - 03.09.2023

Խաչատուր Իսկանդարյան – 100. Քանդակագործը Եվ Քաղաքը - ցուցահանդես

Ցուցահանդեսը բացահայտում է Խաչատուր Իսկանդարյանին այլ լույսի ներքո. այստեղ շեշտը դրվում է իր և իր միջավայրի հարաբերությունների վրա։ Գրաֆիկական և գեղանկարչական աշխատանքների միջոցով արվեստագետն արտահայտել է տպավորություններ տարբեր երկրների շրջագայություններից։ Խառը տեխնիկայով (յուղաներկ, ջրաներկ, տուշ, տեմպերա, պաստել և այլն) արված քաղաքային բնանկարները պատկերում են Հայաստանի, Հունգարիայի, Լատվիայի, Էստոնիայի, Ճապոնիայի տեսարաններ, ներկայացնում ամեն քաղաքին բնորոշ գողտրիկ և գունագեղ անկյուններ։

20.04.2023 - 21.05.2023

Թաթոս - հոբելյանական ցուցահանդես

Հայաստանի ժողովրդական նկարիչ Հրանտ Թադևոսյանի (Թաթոս) կյանքի փորձն ու վաստակը վառ արտահայտված են նրա երկարամյա ստեղծագործական գործունեության մեջ: Նկարիչը բազմաթիվ խմբային և անհատական ցուցահանդեսներ է ունեցել ինչպես հայրենիքում, այնպես էլ արտերկրում, և նրա արվեստն ամենուր արժանացել է բարձր գնահատականի։ Արվեստագետի 85-ամյակին նվիրված ցուցահանդեսն ընդգրկում է տարբեր տարիներին վրձնած բնանկարներ, նատյուրմորտներ, կանանց դիմանկարներ և վերացական պատկերներ:

18.04.2023 - 21.05.2023

Նվիրատուներ և Նվիրատվություններ. Հրաչյա Հակոբյան - ցուցահանդես

Հայաստանի ազգային պատկերասրահի հարուստ հավաքածուի ձևավորման ավելի քան հարյուրամյա պատմության ընթացքում նկարիչների, նրանց ժառանգների, հավաքորդների նվիրատվությունները մշտապես առանցքային դեր են ունեցել: Դրանք հաճախ ամփոփում-ամբողջացնում են առանձին մենագրական հավաքածուները, օգնում են թանգարանի ֆոնդերը հարստացնել իրական գլուխգործոցներով: 2021 թ. Ազգային պատկերասրահը նախաձեռնեց «Նվիրատուներ և նվիրատվություններ» լայնածավալ նախագիծը, որի հիմնական նպատակներից է՝ ներկայացնել ոչ միայն հայտնի վարպետների ընծայված գործերը, այլև բարձրաձայնել մեկենասների անուններն ու նրանց գործունեության կարևորությունը թանգարանի կյանքում:

Մշտական
ցուցադրություն

Բաշինջաղյան Գևորգ Զաքարի

Անդորր (1901)

կտավ, յուղաներկ
100x120,5 սմ