Կրթական ծրագրեր / Դասընթացներ

Ամառային դպրոց Հայաստանի Ազգային պատկերասրահում
2017թ. հունիսի 3-ից հուլիսի 22-ը

 

Սիրելի արվեստասերներ, 2017թ. հունիս-հուլիս ամիսներին Հայաստանի ազգային պատկերասրահը (ՀԱՊ) հրավիրում է 6-14 տարեկան երեխաներին մասնակցելու ամառային դպրոցի ծրագրերին։ Այս տարի նախապատրաստել ենք երեք  տարբեր ծրագրեր՝ «Լուսավոր գամմա» (14 այցելություն), «Ամենից ամենա» (12 այցելություն), Արվեստ և գրականություն (8 այցելություն) խորագրերով: Ծրագրերը նպատակ ունեն երեխաների բացահայտելու ՀԱՊ-ի հավաքածուն և աշխարհի առաջատար թանգարաններում ցուցադրվող մեծանուն արվեստագետների գլուխգործոցները, հնարավորություն են տալիս ինքնուրույն ստեղծագործելու, թանգարանային յուրահատուկ միջավայրում գեղագիտական ուսուցում ստանալու և բովանդակալից ժամանց անցկացնելու: Կազմակերպվելու են թեմատիկ ինտերակտիվ կրթական ծրագրեր, ֆիլմերի և մուլտֆիլմերի դիտումներ, վարպետաց դասեր, ինչպես նաև այցելություններ Եղ.Չարենցի արվեստի և գրականության թանգարան և պատկերասրահի որոշ մասնաճյուղեր:

  •  Լուսավոր գամմա (14 այցելություն) ինտերակտիվ կրթական ծրագրի շարքի մասնակիցները պատկերասրահի հավաքածուի միջոցով կծանոթանան հայ և արտասահմանյան արվեստագետների կյանքին և ստեղծագործություններին:
  • Ամենից ամենա (12 այցելություն) ինտերակտիվ կրթական ծրագրի շարքի մասնակիցները կծանոթանան աշխարհահռչակ արվեստագետների (Բոտտիչելլիի, Լեոնարդո դա Վինչիի, Միքելանջելո Բուոնարոտտիի, Պաբլո Պիկասսոյի, Կազիմիր Մալևիչի, Պոլոկի, Վան Գոգի և այլք) կյանքին և առաջատար թանգարաններում պահվող գլուխգործոցներին:
  • Արվեստ և գրականություն ինտերակտիվ կրթական ծրագրի շարքը իրականացվել է 2016թ.: Այս տարի ևս մասնակիցները Հայաստանի ազգային պատկերասրահում ու Գրականության և արվեստի թանգարանում կծանոթանան կերպարվեստի, գրականության, կինոյի, թատրոնի և երաժշտարվեստի առանձնահատկություններին և մեծանուն արվեստագետներին:

Յուրաքանչյուր խմբի համար նախատեսվում է շաբաթական երկու այցելություն թանգարան: Խմբի անդամների քանակը սահմանափակ է (10-15 երեխա), ուստի մասնակցության համար ծնողներին խնդրում ենք գրանցել երեխաներին մինչև մայիսի 25-ը:
Գրանցվել հետևյալ   հղումով՝  մինչև 2017թ. մայիսի 25-ը։


Լրացուցիչ հարցերի դեպքում զանգահարել հետևյալ հեռախոսահամարներով՝ +374 94 068001, +374 55 510840, +374 41 771677, կամ գրել էլ. հասցեին՝ galleryarmenia@gmail.com :
 

 


Գարնանային արձակուրդները Պատկերասրահում

Գարնանային արձակուրդները հետաքրքիր և արդյունավետ անցկացնելու համար, Հայաստանի ազգային պատկերասրահը 1-3-րդ դասարանի աշակերտներին սիրով հրավիրում է մասնակցելու թանգարանում անցկացվող հետևյալ ինտերակտիվ-կրթական ծրագրերին.
• «Վարպետի գույների աշխարհում»
• «Բնանկար և պոեզիա»
• «Սասունցի Դավիթ»
Ծրագրերն անցկացվելու են ս.թ մարտի 29-31-ը, ժամը՝ 11.30 և 13.00-ին:
Ձեր նախընտրած ծրագրերին կարող եք մասնակցել ամբողջ դասարանով: Գրանցվելու համար կարող եք դիմել մինչև մարտի 28-ը:
Մասնակցության համար նախանական գրանցումը պարտադիր է։


ԱՅՑԵԼՈՒԹՅԱՆ ՊԱՅՄԱՆՆԵՐ՝
Կրթական ծրագրի մեկ մասնակցի տոմսի արժեքն է 600 դրամ:
Հեռ.՝ (+37410) 582161 (133)
Էլ. հասցե՝ nga_education@yahoo.com, galleryarmenia@gmail.com

 


«Աշնանային ներկապնակ» ինտերակտիվ  կրթական ծրագրերի շարք

 

Սիրելի՛ արվեստասերներ, դպրոցական աշնանային արձակուրդների ընթացքում հրավիրում ենք 6-8, 9-14 տարեկան երեխաներին մասնակցելու Հայաստանի ազգային պատկերասրահի «Աշնանային ներկապնակ» կրթական ծրագրին։ 2016թ. հոկտեմբերի 22-ից նոյեմբերի 5-ը մասնակիցների համար կկազմակերպվեն ինտերակտիվ խաղ-էքսկուրսիաներ, թեմատիկ դասեր, գործնական պարապմունքներ, ինչպես նաև ֆիլմերի և մուլտֆիլմերի դիտումներ: Խմբի անդամների քանակը սահմանափակ է (10-15 երեխա), ուստի խնդրում ենք գրանցվել նախապես:
Խնդրում ենք ուղարկել մասնակցի անունը, ազգանունը, տարիքը, ծնողի կամ մանկավարժի հեռախոսահամարը հետևյալ էլ. հասցեներին՝ nga_education@yahoo.com, մինչև 2016թ. հոկտեմբերի 20-ը, ժամը՝ 13:00-ը։
Լրացուցիչ հարցերի դեպքում կարող եք զանգահարել հետևյալ հեռախոսահամարով՝
ՀԱՊ, հեռ.(+37410) 567472

 


«Արվեստ և գրականություն» ամառային դպրոց

Սիրելի արվեստասերներ, 2016թ. հունիսի-հուլիս ամիսներին Հայաստանի ազգային պատկերասրահը (ՀԱՊ) և Գրականության և արվեստի թանգարանը (ԳԱԹ) հրավիրում են 6-8, 9-10, 11-12 տարեկան երեխաներին մասնակցելու «Արվեստ և գրականություն» ամառային դպրոցին։ Ծրագրի շրջանակներում երեխաները հնարավորություն կունենան Պատկերասրահի և ԳԱԹ-ի հավաքածուների միջոցով ծանոթանալ հայ և արտասահմանյան արվեստագետների կյանքին և ստեղծագործություններին: Նրանց համար կկազմակերպվեն ինտերակտիվ խաղ-էքսկուրսիաներ, թեմատիկ դասեր, գործնական պարապմունքներ, ինչպես նաև ֆիլմերի և մուլտֆիլմերի դիտումներ: Յուրաքանչյուր խմբի համար նախատեսվում է շաբաթական երկու այցելություն: Խմբի անդամների քանակը սահամնափակ է (10-15 երեխա), ուստի խնդրում ենք գրանցվել նախապես:

Խնդրում ենք ուղարկել մասնակցի անունը, ազգանունը, տարիքը, ծնողի կամ մանկավարժի հեռախոսահամարը հետևյալ էլ. հասցեներին՝ nga_education@yahoo.com, gatmuseum@mail.ru, մինչև 2016թ. մայիսի 25-ը։

Լրացուցիչ հարցերի դեպքում կարելի է զանգահարել հետևյալ հեռախոսահամարներով՝


 


Մանրամասների կամ գրանցման համար կարելի է զանգարահարել ՀԱՊ՝ հեռ.(+37410) 567472, ԳԱԹ՝ հեռ.(+37410) 520611 հեռախոսահամարով կամ գրել nga_education@yahoo.com էլ-հասցեով։

 

Մշտական
ցուցադրություն

Տեր-Հարության Խորեն

Մայր և որդի (1935)

թուղթ, ջրաներկ, տուշ, ածուխ
51,2x32,5 սմ